Bismillahirrahnirraheem
FITNA-E-NAJDIYAT
AUR ULEMA E HIND : (PART-2)
Isi tarah
khan sahab barelwi ka ye fatawa bhi unki " tabarrayi " zehniyat ki
nishandehi karta hai aur unki (SADISM) ki nafsiyaati bimari ka aina'daar hai,
farmate
hain
"
wahabi sabse bad'tar murtad hain, unka Nikah Kisi Haiwaan se bhi nahin ho
sakta, jisse bhi hoga, zina e khaalis hoga "
( fatawa
rizwiya jild 5 pg 194)
aapne
mulaaheza farmaya !!!
"
haiwaan se nikah ke alfaz se andaaza kiya ja sakta hai ke " faazil e barelwi
" ahmad raza khan sahab ghaiz wa ghazab aur bughz wa adaawat ke kis
bulandi par hain ??
"
Haiwaan se Nikah !!!"
agar
ahmad raza khan sahab barelwi ke ye alfaaz khaalis shi'ee andaz " tabarra
" par mabni nahin hain, toh phir khan sahab ke nazariyaat ke pairokaar,
iski wazaahat ke zimme'dar hain ke,
haiwaanaat
me fa'al nikaah ka riwaaj duniya ke kis hissa me paaya jaata hai ???
Aur unka
nikah padhaane waala qaazi... ......... Jo ghaliban insaan hi hota hoga..... In
haiwaano ka nikah kis zabaan me karaata hai ??
Haiwaanaat
ko nikah ya sharai qawaneen ka muqallaf shariat e islamia me toh banaya toh
nahin gaya hai, toh phir haiwaanaat se nikah waali baat unhone kis mazhab aur
kausi shariat ki ru se irshaad farmayi hai..... ??
Agar
ahmad raza khan sahab barelwi ka mahaz izhaar " tabarra" nahin hai,
toh phir haiwaanaat se nikah karne ki baat maqool wazaahat hona chahiye !!
Wahabi
agar khan sahab barelwi ke khyaal ke mutaabik " bad'tar murtad" hain,
toh rishta azwaaj (life partner) ke liye duniya me dusre murtadeen ka aqaal
(drought) padh gaya, jo wah unhen chhodkar haiwaanaat se rishta nikah karne par
MAJBOOR honge ??
Aur phir
khan sahab barelwi ke ye alfaz ke
"jisse
bhi hoga zina e khalis hoga"
ye bhi
kaunsi aqalmandi ki baat irshad farmayi hai ??
Agar wah
" murtadeen " aapas me hi apne ham khyaal logon me shadi Byaah karen,
jis tarah deegar kaafir aur mushrik karte hain, toh unka ye rishta ghalat aur
" zina e khalis " aakhir kis usool aur kaunsi buniyaad par hoga ???
In tamam
sawaalaat ke tafseel bakhs jawaabat diye be'ghair " tabarra " ka
ilzaam bani e barelwiyat janab ahmad raza khan sahab ke daaman se dhoya nahi ja
sakta !!
Jahan tak
" tabarra " ke shi'ee fitrat
ke izhar ki baat hai, toh ahmad raza khan barelwi ne apne is sha'ar ke zariye
apne hi chehre ka naqaab utaar kar phenk diya hai,
mulaheza
ho
"
dil e dushman ko raza tez namak ki dhun hai,
haan zara
aur chidakta rahe khamah tera "
(hadaiq
bakhsish)
Musalmano
se nafrat wa adaawat aur " tabarra " ke zaman me ek aqtabaas aakhir
aur mulaaheza farmaaye, janab ahmad raza khan barelwi insaaniyat aur sharaafat
ke jama se baaher ho kar " wahabiyon " par kis tarah ghaiz wa ghazab
ka izhaar karte hai,
"
Khabeeson tum kafir thaher chuke ho, iblees ke Maskhare, dajjal ke gadhe, aiy
munafikon wahabiya ki pooch imaarat, qaroon ki tarah tahtus'sara pahunchti,
najdiyat ke kawwe sisakte, wahabiyat ke BOOM bilakte, aur mazbooh gustaakh
bhadakte "
(khalis
ul eteqaad page 20)
Baher'haal
! Tabarra'aaraayi ka jo harba aazmaaya tha, ba'zaahir uska asli TARGET saudi
arab ke aalim e deen hz muhammad bin abdul wahab najdi tamimi (rh) ki zaat e
giraami maalum hoti hai,
magar
asliyat me ye " sahyooni shajish (zionist conspiracy ) ki ek kadi thi,
jiska maqsad na sirf bar e sagheer hind ke musalmano me balke aalmi satah par
millat e islamiyah me inte'shaar wa tafreeq paida karna aur unhen markaz e
islam " makka mukarrama " aur madeena munawwara se zahni taur par
kaatna aur arabon se nafrat paida
karwana tha,
khaas
taur par hajj ke mauqe par har saal wahdat e islami aur akhwat e bahimi ka jo
shandar nazaara haramain sharifain me dekhne me aata hai aur tamam Aur duniya
ke musalman wahan dauraan e fareeza e
hajj aapas me khuloos se milte hain, aur
haramain sharifain ke qaabil e ehteraam imamon ki iqteda me har maktab e
fikr ke log ek hokar aur pair se pair
milakar namazein padhte hain,
yahudi
laabi ki nigaahon me ye shaandar nazaara hamesha se buri tarah se chubhta raha
hai, kyonki ye soorat e haal unke khwaabon ki " aalmi yahudi sultanate
" (DEVID REGIME ) ke qayaam ki raah me sabse bada roda aur unke inhedaam e
islam ke mansooba me ek mazboot rukaawat thi,
hajj me
musalmano ka ye aalmi ijtema aur wahdat e islami ka azeem us shan mazaahirah
unke liye hamesha se ek CHALLENGE ki haisiyat rakhta hai,
markaz e
islam makka wa madeena se yahudion ki adaawat hamesha se rahi hai,
chunanche
yahudion ki koshishen rang layi aur aaj barre sagheer hind wa pak ke kalma go
afraad ka ek giroh (barelwi) zahni taur par markaz e islam se katai kat chuka
hai, aur Muhammad bin abdul wahhab najdi
tamimi (rh) ke hawaale se aaj makkah mukarrama, madeena munawwara aur saudi
arabia ke saare hi arab unke nazdeek " bad'mazhab " khaarij ul islam
aur naozubillah " dushman e rasool " hain, aur haramain shareefain me
maujoodah imam unke nazdeek kafir wa murtad hain..... Jinki iqdeta me namaz
padhna wah haraam samjhte hain aur hajj ke zamaane me jab wah haramain
sharifain me azaan ki awaaz sunte hain toh ujlat ke saath ulte paaon apni
qayaam gaahon ki taraf daudh lagaate hain, taake wahan chhup kar wahan kamre me
inferaadi taur par apni namazein ada kar saken,
jo log
bheed me phans kar haram se baaher nahin nikal paate wah majbooran haram ke
kinaare bane hue bait ul khala ( LATRINE ) ka rukh karte hain, aur dauraan e
namaz e haram khud ko pakhaano me band aur pooseedah rakhte hain, taake un par
haram me tainaat " mazhabi police " ke kisi sipaahi ki kahin nazar na
padh jaaye , warna wah pakde jaayenge, aur zillat wa khwaari ke saath jail ki
hawa khaayenge, aur anjaam e kaar hajj kiye be'ghair waapas watan bhej diye
jaayenge,
yahud wa
nasaara ki aalam e islam ke saath kash'makash aur muhaaz'aaraayi bahut puraani
hai, isaaiyon ki musalmano se saleebi jaungon ka silsila aur sultan nooruddin
jungi, aur sultan salahuddin ayyubi (rh) ke haathon unki zillat amez'shikast
aaj bhi isaayi duniya ko acchi tarah yaad hain, aur un hazeematon ke zakhm abhi
tak unke dilon me nahin bhar paaye hain,
chand
saal pahle afghanistan me taliban ki hukumat ke khilaaf elaan e jung ke mauqa
par america ke sadar george w bush ne jis tarah " Saleebi jung " ke
hawaale se musalmano ko kuchalne ki baat ki thi, wah aaj bhi logon ko yaad
hogi,
islam
dushman taaqatein musalmano ki jin khususiyaat se khauff zadah rahti hain wah
unka " Jazba Jihad " ka be'misl muzaaherah aur baahimi akhwat aur
markaz e islam Se ghair mamooli taalluq aur aqeedat wa muhabbat ka izhaar hai,
unme bhi sabse zyada ahmiyat JIHAD ko haasil hai,
zaahir
hai ke islami jihad ya jihad fi sabeelillah jiske naam hi se ghair muslim
taaqatein larazti hain, musalmano me baahami ittehaad , jazba e akhwat aur
itaat e ameer ke qawi rujhaanaat ke be'ghair amal pazeer nahin ho sakta, in
khususiyaat ke be'ghair jihad ki haisiyat ek " waqti muzahera " aur
" fauji khud'kashi " se zayada nahi rahti, aur usme kaamyaabi ke
imkaanaat ek feesad ( 1% ) bhi nahin hote,
Dushman e
islam is haqeeqat ko acchi tarah se jaante hain aur isi liye wah mukhtalif
muhaazon par musalmano ke inte'shar ke liye hamesha sar'garm e amal rahte hain,
taake ye kabhi unke khilaaf kadam se kadam milaakar khade na ho saken,
musalmano
me ye zaat paat (casteism) ki tafreeq aur oonch neech ki zahniyat . Ilaaqaayi
aur insaani buniyadon un me inte'shar aur zehni dooriyan siyaasi Aur
mu'aasharti giroh bandion ke mazaherd aur zehni aitbaar se " kalma go
" aur allah aur uske rasool nabi e akram sallalaho alaihi wasallam (pbuh)
ke wafaadaar aur jaan'nisaar kahlaane ke wajood unme bahimi infaaq , nafraton
aur adaawaton ki naqaabil e uboor wagerah wagerah
agar
gahraayi se ghaur karen toh ye sab baatein, khususan bare sagheer hind wa
pak ke musalmano me........ Hamare
purane dushman yahud wa nasaara ki karam'farmaiyan nazar aayengi,
unhone hi
hamare ittefaq wa ittehad ko taar taar karne aur hamen kamzor wa be'haisiyat
banaane ke liye hamare darmiyaan ye diwaaren khadi ki hain,
allah
taala ka irshad hai
"
aur aapas me tum ikhtelaaf aur jhagda mat karo, warna tum kamzor ho jaaoge, aur
tumhari hawa ukhad jaayegi "
(surah
anfaal 46)
ummat e
muslima ke darmiyaan fitne baaz log
hamesha se rahen hain,
daur e
risaalat me ye " munaafiqeen" ke naam se pahchaane jaate they,
aaj ke
daur Me unpar deegar mukhtalif qism ke lebel lage hue hain, musalmano me
tafarraqa aur inte'shar paida karne waale ye log jo dar'pardah dushmanan e islam yahud wa
nasaara ke agent aur unke haathon ke khilone (toy) bane hue hain,
kabhi ye
log mufaad parast ulema e su ki shakl me logon ko gumrah karte hain, aur unme
aapas me foot daalte hain, aur kahin peeron ka bahroop bana kar aur khaankaahi
saj ban kar baith jaate hain, aur jaahil awaam ko apna mureed banaane ke baad
Unhen shirk wa bidat ke amaal e kabeeha aur ghair islami rasoomaat ka aadi
banaate hain,
aur kabhi
ye aaj munaafiqeen rahbar e millat aur
Siyaasi Qaayedeen ke roop me apna ek halqa asar awaam ke darmiyaan banaate
hain, phir jab log unke wafaadaar, hamnawa aur poori tarah mureed ban jaate
hain toh ye awaam un naas ke maasoom aur saada'zahno ka istehsaal
(EXPLOITATION) karke unke jazbaat e wafaadaari wa himayat e khelte hue, unhe
mukhtalif Bahaano aur jhooti afwaahon ke
zariye ek dusre ke khilaaf bhadkaate aur baahami nafrat wa adaawat ka sabak
padhaate hain, taake millat e islamia ke ye qalma go afraad mukhtalif siyaasi
toliyon aur mazhabi girohon me bat kar hamesha ek dusre se takraate rahen, aur
kabhi ek hokar dushmanaan e islam ke khilaaf bar'bakaf na ho saken.....
"
kiya kiya luta hai terah naseebi ke daur me,
ghar me
koi chiragh jale toh pata chale "
ALLAH
TAALA HAM SABKO HAQ BAAT KAHNE AUR SUNNE AUR US PAR AMAL KARNE KI TAUFEEQ
DE........AMEEN
(ABU
ADNAN SAHEEL )
Islamic historical facts:------------------------Arab Shareef me 1922 tak Turkey ki hukumat thi jise Khilafat e Usmania ke naam se Jaana jaata hai.Jab bhi duniya me Musalmano par zulam o sitam hota tha Turkey iska muh Tod jawab dete...America ko agar subse zyada kisi ka khauf tha to wo Khilafat e Usmania ka tha. America ko malumtha jab tak Khilafat e Usmania hai hum Musalmano ka kuch nahi bigad sakte.America ne Khilafat e Usmania ko khatam karne ki saazish shuru ki.America ne subse pahele ek shaksh ko khada kiya Jo Christian tha aisi Arabi bolta tha ke kisi ko us par shak tak nahi aaya usne Arab ke logo ko Khilafat e Usmania ke khilaf ye keh kar gumrah karne ki nakaam koshish ki ke tum Arabi ho aur ye Turkey Ajami hai, tum Ajami ki hukumatko kaise bardasht kar rahe ho. Par logo ne uski ekna maani.Ye shaksh Laurence of Arabian ke naam se mashoor hua (aap Laurence of Arabian likh kar Google par search kare)Fir America ne ek shaksh ko khada kiya jiska naam Hempher tha (aap google par Hempher ki wikipedia pad sakte ho) Hempher ki mulaqat IbneAbdul Wahab Najdi aur Arab ke ek daku se Hui usdaku ka naam Ibne Saud tha. Hempher ne Ibne Saud ko Arab ka Hukmaran banane ka lalach diya. Phir Ibne saud ne Makkah Madina aur Taif me Turkey ke khilaf jung shuru kardi. Makkah Madina aur Taif ke lakho Musalman Ibne Saud ki daku fauj ke haato Shaheed hue..Jab Turkey ne dekha ke Ibne Saud Hume Arab se nikalne aur khud. Arab par hukumat karne ke liye Makkah, Madina aur Taif ke bekusur Musalmano ko Shaheed kar raha hai tab Turkey ne aalami taur par ye ailan kar diya ke hum is paak sarzameen par qatal o garat pasand nahi karte is wajah se hum Khilafat e Usmania ko khatam kar ke apne watan Turkey wapas ja rahe hai.Fir Arab aur duniya ke Musalmano ka zawal shuru hua. Ibne Saud Arab ka Badshah bana..Hijaz e Muqaddas Ka Naam 1400 saal ki tarikh me paheli baar badla gaya Ibne Saud ne Hijaz e Muqaddas ka naam apne naam par Saudia rakkha gaya.Jagah jagah raste aur cauraho par Ibne Saud ki tasweere lagai gai.Jannatul Baqi aur Jannatul Mualla me Sahaba aur Ahle Bait ki Mazaro par Bulldozer chalaya gaya.Haram Shareef ke jin darwazo ka naam Sahaba aur Ahle Bait ke naam par tha unka naam Aale Saud ke naam par rakkha gaya.Yahud o Nasara ko Arab me aane ki permission mil gai.Jis din Ibne Saud Arab ka King bana us din ek jashan hua us jashan me America, British aur Dusre Kafir Mulko ke Prime Minister Ibne Saud Ko Mubarak baad dene pahoch gaye. Jis Arab ke naam se Yahud o Nasara kampte the wo Saudia America ke Ishare par nachne laga aur aaj bhi naach raha hai...Yahud o Nasara ki is sazish ka zikar karte hue Allama Iqbal Ne Apne kalam Me Likha Hai:Wo Faka kash Jo mout se darta nahi zaraRoh e Muhammad (SalAllahu Aalaihi Wa Sallam). iske dil se nikal doFikre Arab ko dekar firangi tagaiyulatIslam ko hijaz aur Yemen se nikal do..
ReplyDelete