TUJHSE AUR JANNAT SE KYA MATLAB WAHABI.......... !!!

Bismillahirrahmanirraheem

TUJHSE AUR JANNAT SE KYA MATLAB WAHABI.......... !!!

Barre sagheer hind wa pak me ' NAJDI ' aur ' WAHABI ' ke alfaaz ek makhsoos maktab e fikr ki karam'farmaiyyan ke nateeje me unke awaam aur padhe likhe afraad ki zabaan par arsha'daraaz se maslak " AHLE HADITH " aur "DEOBANDI " khyaal ke tamam hi tawheed ke alambardaar aur shirk wa bidat ke amal par nakeer karne waalon ke liye ek " TOHMAT " aur " GHALEEZ GAALI " ki jagah istemal hote rahe hain,

Aur amuman najdi wa wahabi ki dono ijaad ek dusre ki mutraadaf aur ham'maana samjhi jaati hai,

in ijaad'kardah lafz ko ba'taur tanz wa tabarra istemal karne ka sahara agarchah barre sagheer ki ek mashoor wa maroof mazhabi shakhsiya aur makhsoos " Maktab e fikr " ke baani aur sarbaraah ke sar jaata hai,

taaham wahabi aur najdi ki arfiyat aur " ghali " se poori tarah tawaffiq aur tawheed ke kilaaf inko ba'taur " harba (techniqe) Istemal karne me awliya e tassawwuf se waa'basta aur shirk wa bidat ke pairokaar dusre giroh aur kuch makhsoos " firqe " bhi, iske hamnawa aur kirdaar'kushi ki is muhim aur propaganda me kadam se kadam milaaye nazar aate hain,

Wahabi aur najdi ke naam se mukhaalifeen e tauheed, aur shirk wa bidat ke aalam'bardar logon ke zehno me badi khoobsoorti ke saath zehno me bithaaya gaya hai,

iske mutabik aise tamam log qatai kafir aur murtad, dushmanaan e rasool aur munkireen e awliya allah hain,

inse nafrat karna, unke liye dilon me bughz rakhna farz aur imaan takaaza hai, aur aise logon se taalluqaat rakhna, unse salaam wa kalaam ya musaafa karna, unke salaam ka jawab dena qatai " HARAAM " aur najayez hai, kyonki ye log uper uper se musalman hain, magar andar se bilkul kafir aur khaarij e iman hain,

unki namaz na toh namaz hai aur na unki di hui azan sahih  hai, ye log bilkul saaf taur par jahannum ke Eendhan hain,

aur unke bil'muqaabil ham (barelwi,shia) khud sacche pakke sunni ul aqeedah musalmaan, jo awliya ke chahete aur nabi e akram sallaho alaihi wasallam (pbuh) ke sacche ASHIQ aur jaan'nisaar hain, isliye ham (barelwi ) log bila'kisi diqqat ke aur nabi e akram sallaho alaihi wasallam (pbuh) aur awliya ki shifaarish se seedhe jannat me chale jaayenge,

jaisa ke unki maroof mazhabi shakhs ke is shayer se zaahir hota hai,

" tujhse aur jannat se kiya matlab wahabi door ho,

ham rasoollullah ke, jannat rasoollah ki "

nez ye ke

" sooraj ulte paaon palte, chand ishaare se ho chaak

andhe najdi dekh le, qudrat rasoollullah "

shayeri chunke awaam un naas, khusan Jaahilon ke zaheno tak pahunchne ka sabse aasaan aur bahtareen zariya hai, isliye wahabi aur najdi ki muzammat me be'shumar ash'har  likhe gaye aur logon me aam kiye gaye aur unhe raat wa din apne aqaid baatila ki nashr'gaah masjid ke  LOUDSPEAKERS ke zariye, nez mahfil meelad wa majalis muharram wa chehellum ke stage se ,aur bastiyon me nashr kiya jaata hai, taake wah awaam ke dar e zabaan ho jaayen aur gali gali unka asar wa propaganda kiya ja sake,

chunanche is qism  ke chand ash'har ba'taur namoona mulaaheza ho

" jisne sab najdiyon ke qile dha diye

himmat ala hazrat par lakhon salaam "

" sheikh najdi ka sar kaat kar rakh diya

khanjar ala hazrat pe lakhon salam "

nez ye bhi mulaheza ho

" na namaz unki namaz hai, na rasool se unhe kuch gharz,

karen lakh sajden wah din raat hain, wahabi phir bhi jahannami "

Beharhaal ! Awaam un naas ke faasid'shudah aur bimaar zehan ki is kaifiyat aur islam dushman anaasir ki musalmano ki safon me fitna'aaraayi ki koshishon aur bahami nafrat wa adawat ki takham'rezi ke pesh e nazar ba'shaur aur baaligh nazar logon ke zameer ko jhinjhodne aur ahle shia wa yahud wa nasaara ki ummat muslima Ke khilaaf propagandah se aagaah karne ke liye is blog (ISLAMICLEAKS) par ek series isi talluq se pesh ki ja rahi hai jo Dr abu adnan saheel ki murattab kitab "  HADITH NAJD AUR FITNA NAJDIYAT KA...........EK TAHQEEQI JAYEZA " me murattab ki gayi hai,

jisme wahabi aur najdi ke badnaam zamana istelaahaat ki haqeeqat se pardah uthaaya gaya hai, aur arbi lughat , sar'zameen me arab ki geograaphia . Kutub seerat aur hadith e nabwi  ki roshni me un istalaahaat (bad'naam lafz) ka tahqeeqi jayeza liya gaya hai,

Barelwi mujaddid ne in dono naamon ka bahut propaganda kiya aur shor wa kohram barpa kiya hai, uska pash-e- manzar aur haqeeqi maqsad kiya hai ?

Aur musalmano ki safon me tafreeq wa nifaaq ba'ham nafrat wa bughz wa anaad aur girohi propaganda ke jazbaat ubhaarne waale in dushman e islam anaasir ke  hamileen logon ke saajish dimagh kaam kar raha hai, uska bhi khulaasa hua hai,

nez islam ko bad'naam Karne ke liye unke napak azaim kiya kuch hain ?? Unka bhi jaayeza liya gaya hai,

in sab baaton ki nishaan'dehi us kitab aur hamare blog (ISLAMICLEAKS) me ki gayi hai,

NAJD AUR NAJDIYAT KA JAAYEZA : (PART - 1)

NAJD AUR NAJDIYAT KA JAAYEZA : (PART - 2)

NAJD AUR NAJDIYAT KA JAAYEZA : (PART - 3)

NAJD AUR NAJDIYAT KA JAAYEZA : (PART - 4)

FITNO KI AAMAD'GAAH TAREEKH KE AINE ME : ( PART 5)

TAANA E NAJDIYAT AUR WAHABIYYAT KA PASH-E-MANZAR (PART 5)

FITNA-E-NAJDIYAT AUR ULEMA E HIND : (PART-1)

FITNA-E-NAJDIYAT AUR ULEMA E HIND : (PART-2)

HAMEN ummeed hai ke inshallah ye kitab  aur blog tamam insaaf pasand aur nek fitrat logon ke liye behtar raah saabit hogi......

Allah taala ham sabko haq baat kahne aur us par amal paira hone ki taufeeq de........ameen

FITNA-E-NAJDIYAT AUR ULEMA E HIND : (PART-2)

Bismillahirrahnirraheem

 

FITNA-E-NAJDIYAT AUR ULEMA E HIND : (PART-2)

Isi tarah khan sahab barelwi ka ye fatawa bhi unki " tabarrayi " zehniyat ki nishandehi karta hai aur unki (SADISM) ki nafsiyaati bimari ka aina'daar hai,

farmate hain

" wahabi sabse bad'tar murtad hain, unka Nikah Kisi Haiwaan se bhi nahin ho sakta, jisse bhi hoga, zina e khaalis hoga "

( fatawa rizwiya jild 5 pg 194)

aapne mulaaheza farmaya !!!

" haiwaan se nikah ke alfaz se andaaza kiya ja sakta hai ke " faazil e barelwi " ahmad raza khan sahab ghaiz wa ghazab aur bughz wa adaawat ke kis bulandi par hain ??

" Haiwaan se Nikah !!!"

agar ahmad raza khan sahab barelwi ke ye alfaaz khaalis shi'ee andaz " tabarra " par mabni nahin hain, toh phir khan sahab ke nazariyaat ke pairokaar, iski wazaahat ke zimme'dar hain ke,

haiwaanaat me fa'al nikaah ka riwaaj duniya ke kis hissa me paaya jaata hai ???

Aur unka nikah padhaane waala qaazi... ......... Jo ghaliban insaan hi hota hoga..... In haiwaano ka nikah kis zabaan me karaata hai ??

Haiwaanaat ko nikah ya sharai qawaneen ka muqallaf shariat e islamia me toh banaya toh nahin gaya hai, toh phir haiwaanaat se nikah waali baat unhone kis mazhab aur kausi shariat ki ru se irshaad farmayi hai..... ??

Agar ahmad raza khan sahab barelwi ka mahaz izhaar " tabarra" nahin hai, toh phir haiwaanaat se nikah karne ki baat maqool wazaahat hona chahiye !!

Wahabi agar khan sahab barelwi ke khyaal ke mutaabik " bad'tar murtad" hain, toh rishta azwaaj (life partner) ke liye duniya me dusre murtadeen ka aqaal (drought) padh gaya, jo wah unhen chhodkar haiwaanaat se rishta nikah karne par MAJBOOR honge ??

Aur phir khan sahab barelwi ke ye alfaz ke

"jisse bhi hoga zina e khalis hoga"

ye bhi kaunsi aqalmandi ki baat irshad farmayi hai ??

Agar wah " murtadeen " aapas me hi apne ham khyaal logon me shadi Byaah karen, jis tarah deegar kaafir aur mushrik karte hain, toh unka ye rishta ghalat aur " zina e khalis " aakhir kis usool aur kaunsi buniyaad par hoga ???

In tamam sawaalaat ke tafseel bakhs jawaabat diye be'ghair " tabarra " ka ilzaam bani e barelwiyat janab ahmad raza khan sahab ke daaman se dhoya nahi ja sakta !!

Jahan tak " tabarra  " ke shi'ee fitrat ke izhar ki baat hai, toh ahmad raza khan barelwi ne apne is sha'ar ke zariye apne hi chehre ka naqaab utaar kar phenk diya hai,

mulaheza ho

" dil e dushman ko raza tez namak ki dhun hai,

haan zara aur chidakta rahe khamah tera "

(hadaiq bakhsish)

Musalmano se nafrat wa adaawat aur " tabarra " ke zaman me ek aqtabaas aakhir aur mulaaheza farmaaye, janab ahmad raza khan barelwi insaaniyat aur sharaafat ke jama se baaher ho kar " wahabiyon " par kis tarah ghaiz wa ghazab ka izhaar karte hai,

" Khabeeson tum kafir thaher chuke ho, iblees ke Maskhare, dajjal ke gadhe, aiy munafikon wahabiya ki pooch imaarat, qaroon ki tarah tahtus'sara pahunchti, najdiyat ke kawwe sisakte, wahabiyat ke BOOM bilakte, aur mazbooh gustaakh bhadakte "

(khalis ul eteqaad page 20)

Baher'haal ! Tabarra'aaraayi ka jo harba aazmaaya tha, ba'zaahir uska asli TARGET saudi arab ke aalim e deen hz muhammad bin abdul wahab najdi tamimi (rh) ki zaat e giraami maalum hoti hai,

magar asliyat me ye " sahyooni shajish (zionist conspiracy ) ki ek kadi thi, jiska maqsad na sirf bar e sagheer hind ke musalmano me balke aalmi satah par millat e islamiyah me inte'shaar wa tafreeq paida karna aur unhen markaz e islam " makka mukarrama " aur madeena munawwara se zahni taur par kaatna aur arabon se  nafrat paida karwana tha,

khaas taur par hajj ke mauqe par har saal wahdat e islami aur akhwat e bahimi ka jo shandar nazaara haramain sharifain me dekhne me aata hai aur tamam Aur duniya ke  musalman wahan dauraan e fareeza e hajj aapas me khuloos se milte hain, aur  haramain sharifain ke qaabil e ehteraam imamon ki iqteda me har maktab e fikr ke log  ek hokar aur pair se pair milakar namazein padhte hain,

yahudi laabi ki nigaahon me ye shaandar nazaara hamesha se buri tarah se chubhta raha hai, kyonki ye soorat e haal unke khwaabon ki " aalmi yahudi sultanate " (DEVID REGIME ) ke qayaam ki raah me sabse bada roda aur unke inhedaam e islam ke mansooba me ek mazboot rukaawat thi,

hajj me musalmano ka ye aalmi ijtema aur wahdat e islami ka azeem us shan mazaahirah unke liye hamesha se ek CHALLENGE ki haisiyat rakhta hai,

markaz e islam makka wa madeena se yahudion ki adaawat hamesha se rahi hai,

chunanche yahudion ki koshishen rang layi aur aaj barre sagheer hind wa pak ke kalma go afraad ka ek giroh (barelwi) zahni taur par markaz e islam se katai kat chuka hai, aur  Muhammad bin abdul wahhab najdi tamimi (rh) ke hawaale se aaj makkah mukarrama, madeena munawwara aur saudi arabia ke saare hi arab unke nazdeek " bad'mazhab " khaarij ul islam aur naozubillah " dushman e rasool " hain, aur haramain shareefain me maujoodah imam unke nazdeek kafir wa murtad hain..... Jinki iqdeta me namaz padhna wah haraam samjhte hain aur hajj ke zamaane me jab wah haramain sharifain me azaan ki awaaz sunte hain toh ujlat ke saath ulte paaon apni qayaam gaahon ki taraf daudh lagaate hain, taake wahan chhup kar wahan kamre me inferaadi taur par apni namazein ada kar saken,

jo log bheed me phans kar haram se baaher nahin nikal paate wah majbooran haram ke kinaare bane hue bait ul khala ( LATRINE ) ka rukh karte hain, aur dauraan e namaz e haram khud ko pakhaano me band aur pooseedah rakhte hain, taake un par haram me tainaat " mazhabi police " ke kisi sipaahi ki kahin nazar na padh jaaye , warna wah pakde jaayenge, aur zillat wa khwaari ke saath jail ki hawa khaayenge, aur anjaam e kaar hajj kiye be'ghair waapas watan bhej diye jaayenge,

yahud wa nasaara ki aalam e islam ke saath kash'makash aur muhaaz'aaraayi bahut puraani hai, isaaiyon ki musalmano se saleebi jaungon ka silsila aur sultan nooruddin jungi, aur sultan salahuddin ayyubi (rh) ke haathon unki zillat amez'shikast aaj bhi isaayi duniya ko acchi tarah yaad hain, aur un hazeematon ke zakhm abhi tak unke dilon me nahin bhar paaye hain,

chand saal pahle afghanistan me taliban ki hukumat ke khilaaf elaan e jung ke mauqa par america ke sadar george w bush ne jis tarah " Saleebi jung " ke hawaale se musalmano ko kuchalne ki baat ki thi, wah aaj bhi logon ko yaad hogi,

islam dushman taaqatein musalmano ki jin khususiyaat se khauff zadah rahti hain wah unka " Jazba Jihad " ka be'misl muzaaherah aur baahimi akhwat aur markaz e islam Se ghair mamooli taalluq aur aqeedat wa muhabbat ka izhaar hai, unme bhi sabse zyada ahmiyat JIHAD ko haasil hai,

zaahir hai ke islami jihad ya jihad fi sabeelillah jiske naam hi se ghair muslim taaqatein larazti hain, musalmano me baahami ittehaad , jazba e akhwat aur itaat e ameer ke qawi rujhaanaat ke be'ghair amal pazeer nahin ho sakta, in khususiyaat ke be'ghair jihad ki haisiyat ek " waqti muzahera " aur " fauji khud'kashi " se zayada nahi rahti, aur usme kaamyaabi ke imkaanaat ek feesad ( 1% ) bhi nahin hote,

Dushman e islam is haqeeqat ko acchi tarah se jaante hain aur isi liye wah mukhtalif muhaazon par musalmano ke inte'shar ke liye hamesha sar'garm e amal rahte hain, taake ye kabhi unke khilaaf kadam se kadam milaakar khade na ho saken,

musalmano me ye zaat paat (casteism) ki tafreeq aur oonch neech ki zahniyat . Ilaaqaayi aur insaani buniyadon un me inte'shar aur zehni dooriyan siyaasi Aur mu'aasharti giroh bandion ke mazaherd aur zehni aitbaar se " kalma go " aur allah aur uske rasool nabi e akram sallalaho alaihi wasallam (pbuh) ke wafaadaar aur jaan'nisaar kahlaane ke wajood unme bahimi infaaq , nafraton aur adaawaton ki naqaabil e uboor wagerah wagerah

agar gahraayi se ghaur karen toh ye sab baatein, khususan bare sagheer hind wa pak  ke musalmano me........ Hamare purane dushman yahud wa nasaara ki karam'farmaiyan nazar aayengi,

unhone hi hamare ittefaq wa ittehad ko taar taar karne aur hamen kamzor wa be'haisiyat banaane ke liye hamare darmiyaan ye diwaaren khadi ki hain,

allah taala ka irshad hai

" aur aapas me tum ikhtelaaf aur jhagda mat karo, warna tum kamzor ho jaaoge, aur tumhari hawa ukhad jaayegi "

(surah anfaal 46)

ummat e muslima ke darmiyaan fitne baaz log  hamesha se rahen hain,

daur e risaalat me ye " munaafiqeen" ke naam se pahchaane jaate they,

aaj ke daur Me unpar deegar mukhtalif qism ke lebel lage hue hain, musalmano me tafarraqa aur inte'shar paida karne waale ye log  jo dar'pardah dushmanan e islam yahud wa nasaara ke agent aur unke haathon ke khilone (toy) bane hue hain,

kabhi ye log mufaad parast ulema e su ki shakl me logon ko gumrah karte hain, aur unme aapas me foot daalte hain, aur kahin peeron ka bahroop bana kar aur khaankaahi saj ban kar baith jaate hain, aur jaahil awaam ko apna mureed banaane ke baad Unhen shirk wa bidat ke amaal e kabeeha aur ghair islami rasoomaat ka aadi banaate hain,

aur kabhi ye aaj munaafiqeen  rahbar e millat aur Siyaasi Qaayedeen ke roop me apna ek halqa asar awaam ke darmiyaan banaate hain, phir jab log unke wafaadaar, hamnawa aur poori tarah mureed ban jaate hain toh ye awaam un naas ke maasoom aur saada'zahno ka istehsaal (EXPLOITATION) karke unke jazbaat e wafaadaari wa himayat e khelte hue, unhe mukhtalif  Bahaano aur jhooti afwaahon ke zariye ek dusre ke khilaaf bhadkaate aur baahami nafrat wa adaawat ka sabak padhaate hain, taake millat e islamia ke ye qalma go afraad mukhtalif siyaasi toliyon aur mazhabi girohon me bat kar hamesha ek dusre se takraate rahen, aur kabhi ek hokar dushmanaan e islam ke khilaaf bar'bakaf na ho saken.....

" kiya kiya luta hai terah naseebi ke daur me,

ghar me koi chiragh jale toh pata chale "

ALLAH TAALA HAM SABKO HAQ BAAT KAHNE AUR SUNNE AUR US PAR AMAL KARNE KI TAUFEEQ DE........AMEEN

(ABU ADNAN SAHEEL )

FITNA-E-NAJDIYAT AUR ULEMA E HIND : (PART-1)

Bismillahirrahnirraheem

FITNA-E-NAJDIYAT AUR ULEMA E HIND : (PART-1)

Hindustan par us waqt Angrezon ki amal daari aur unki poori huqmaraani thi,

balke ye unka urooj tha jis waqt hejaz me qabron ko inhedaam ki saari kaarwayi ho rahi thi,

hussain Shareef, makka jo angrezon ka us waqt agent tha, aur unhin ki madad se wahan  hukumat kar raha tha,

Angrezon ko uski hukumat se kai tarah ke faayede they, hajj ki jo aamdani hujjaj kiram se TAX ki soorat me wasool hoti thi, usme bhi uska hissa tha, aur bil'wasta hukumat hone ki wajah se wahan ke deegar wasail aamdani bhi uske qabzah me thi,

sabse badi baat ye hai ke hajj ki kunji (key) ya darwaza (gate ) " JEDDAH " ki bandar'gaah (seaport) angrezon ke paas hussain shareef makka ne rahen (girwi, mortagage) rakh chhodi thi,

is tarah " JEDDAH " angrezon ke zer e nigraani ho gaya tha, aur hajj band kar dena angrezon ke baayen haath ka khel ban gaya tha,

magar jab Shareef makka ke haathon se hejaz nikal gaya toh angrezon se sab kuch chhin gaya,

angrez apni is shikhast aur nuqsaan se tilmilaya hua tha hi, theek isi tarah un maqbaron ke inhedaam ki  kaarwaahi bhi wahan shuru ho gayi thi,

chunanche shaatir dimagh (clever minded) angrezon ko musalmano ke jazbaat se khelne aur apne jabzeh inteqaam lene ka mauqa haath aa gaya. Shah saud ka wah kuch bigaad nahin sakta tha, angrezon ne nihaayat makkari se ye PROPAGANDA karna shuru kar diya ke Muhammad bin Abdul Wahab Najdi Tamimi (rh) ke huqm se na sirf sahaba kiram (ra) ke maqaabir balke nabi e akram sallalaho alaihi wasallam (pbuh)  ke rozah anwar ki NAOZUBILLAH inhedaam ki Kaarwaahi shuru ho rahi hai,

Ye jhooti aur be'buniyad khabrein aisi na thi jis par musalman chup baithe rahte,

chunanche is jhooti  khabar ke mashoor hote hi, hindustan ke goshe goshe me be'chain, ihtejaj, hangame , aur saudi hukumat wa Sheikh Muhammad bin abdul wahab najdi tamimi (rh) ki khilaaf naaron aur nafrat wa adaawat ka ek toofaan aagaya....!!

Bani Barelwiyat janab Ahmad raza khan barelwi hanfi, jo apne khaandani " Sabayi Mijaz " ke bina par arsah daraaz se Tafreeq bain ul muslimeen aur millat e islamiya ke inteshaar wa inhetat ka khwaab dekh rahe they, wah  in sab baaton ka baareeki se jayeza le rahe they,

Unhone Mauqa dekha, mauqa ghanimat hai, muhammad bin abdul wahab najdi tamimi (rh) se hindustan ka musalmam nafrat karne laga hai, aur unke inhedam maqabir ke is kaarnaame par bar'mala unko bura bhala kahta hai,

unhone logon ke is rujhaan aur bhadakte hue jazbaat se poora faayeda uthaane ke liye ek jaame mansooba tarteeb diya,

Ahmad raza khan barelwi ne sheikh ul islam muhammad bin abdul wahab najdi tamimi (rh) ki kirdaar'kashi ki gharz se seerat un nabi e akram sallalaho alaihi wasallam (pbuh) me maujood hijrat ke waaqeye me Shaitaan laeen ka " Sheikh najdi " ki shakhl me quraish makka ke mashware me shirkat aur abu jahal ki tajweez ke mutaabik nabi e akram sallalaho alaihi wasallam (pbuh) ko chupke ke qatal karne.........(READ NAJD AUR NAJDIYAT KA JAYEZA PART 1)

Is waaqeyi ki  bharpoor taeed ka sahara lekar NAJD aur AHLE NAJD ko Badnaam karna shuru kar diya, aur najdion ke khilaaf jazbah adaawat ko mazeed hawa dene ke liye Sahih bukhari Kitabul fitan me Maujood " hadith e najd" ke us pahluon ko aawaam un naas ke saamne kiya.. (READ NAJD AUR NAJDIYAT KA JAYEZA PART 3).

Jiske mutabik nabi e akram sallalaho alaihi wasallam (pbuh) ne "najd" ke  sar'zameen ke liye dua e barkat farmane se gurez farmaya hai, aur use fitno ki zameen bataya tha,

" Faazil Barelwi " Ahmad raza khan sahab ne Nihaaya chalaaki (cleverness) se hadith me is fitna ka misdaaq Sheikh ul islam muhammad bin abdul wahhab najdi tamimi (rh) ko thahraaya, Kyunki unka taalluq najd ke elaaqe se tha,

ye dono baatein awaam un naas ke saamne pesh karne ke baad sheikh muhammad bin abdul wahab (rh) ko " Sheikh Najdi " ki munaasibat se Shaitaan, mardood, kafir, aur laanat ka mustahiq thahraana koi mushkil kaam na tha,

Ahmad raza khan sahab barelwi Bar e sagheer hind o pak ke Tauheed pasand musalmano aur ahle sunnat ulama ke tabqa se, jo shirk wa bidat ke gumrah kun aqaid wa amal aur ghair islami riwaayaat ke khilaaf aawaaz uthate rahte they, unke khilaaf ahmad raza khan pahle hi Se naraaz se kyonki un ulema e haq ne un rasmon par lagaam lagaani shuru kar di thi, aur is silsile me ahle shia ki bhi saari koshishen be'asar hokar rah gayin thi,

Lihaza un ulema e haq se badla wa badnaam karne ke liye janab ahmad raza sahab " Fazil barelwi " ne intehaai Chalaaki aur fankaari ka muzaahera karte hue hindustan ke un tamam tauheed pasandon ko bhi muhammad bin abdul Wahab najdi tamimi (rh) se jodh diya,

kyonki shirk wa bidat ke khaatme aur tauheed e khalis ki dawat dono me yaqsa haisiyat rakti thi,

shiya " nasibi " jiska waazeh mafhoom Yahan " bad'mazhab " aur " dushman e ahle bait " hota hai, aur ahle shia apne elaawah saari duniya ke musalmano ko sadiyon se " naasibi " samjhte aur kahte chale aa rahe hai,

Ahmad Raza Khan sahab ne Shi'ee istelaah " naasbi" naam badal lafz " Wahabi " Tajweez kiya, yani muhammad bin abdul wahab najdi tamimi (rh) ke pairokaar hamnawa !

Ye nayi istelaah na sirf ye ke naasbi ke ham'wazan aur ham'qaafiya thi, balke uska jo khud'shaakhta mafhoom logon ke zehno me utaara gaya,

wah bhi shi'ee istelaah " naasbi " ki tarjumani karta hai,

Shion ke yahan naasbi " bad'mazhab " aur " dushman e ahly bait " aur " dushman e awliya " baawar karaaya

chunke us waqt hejaz me saudi hukumat ke qayaam ke saath hi quboor sahaba kiram (ra) ke Inhedaam ki kaarwahi ke baad "gumbad e khijra " ko bhi mismar kar dene ki jhooti afwaah hindustan ke muslim awaam ke jazbaat intehaai garam they, aur us waqt soorat e haal aisi thi ke muhammad bin abdul wahab najdi tamimi (rh) se mansoob karke jo baat bhi unke saamne kah di jaati log us par aankh band karke yaqeen kar lete,

chunanche khan sahab barelwi ne loha garam dekh kar apni khud'saakhta istelaah " wahabi " ko tauheed ke hamnawa aur shirk wa bidat ke mukhalif musalmano hind ke khilaaf ba'taur gaali istemaal karne aur awaam un naas ki zabaan par " WAHABI " ki is gaali ko rawan dawan karne ka himmati faisla kar liya,

lihaza is lafz ke khilaaf nafrat wa adaawat ki aag ko aur zyada hawa dene ke liye, fatawa jaari kiya ke

" Wahabi, yahud wa nasaara aur majoosion se bhi bad'tar hai, aur inka kufr unse bhi zyada hai "

(fatawa rizwiya jild 3 page 6)

agla fatawa waarid hua,

" wahabi, har asli yahudi  Nasrani but parast aur majoos se bhi sabse zyada khabees azar aur bad'tar hai."

(ahkam e shariat pg 1124, ahmad raza khan )

ye fatawa bhi logon me maqbool ho gaya toh phir aawaam ko bataya gaya

" ye kutte se bhi bad'tar hain, ke kutte par azaab nahi aur ye azaab e shadeed ke mustahiq hain "

( fatawa rizwiya jild 5 pg 138)

in lagaataar diye gaye fatawon ka nateeja ye hua ke awaam ke bhadakte hue jazbaat ko taskeen aur tasalli hui,

aur wah itni door se saudi hukumat ya muhammad bin abdul wahab najdi tamimi (rh) ka to kuch na bigaad sakte they, un fatawon ke baad na sirf ye ke khule aam unhen aur barre sagheer ke tamam tauheed pasandon aur mukhaalifeen e shirk wa bid'aat ko burabala kafir wa murtad kah kar aur wahabi ki gaali de kar DIL thanda karne lage,

balke is tarah khan sahab barelwi , awaami maqbooliyat me bhi roz ba'roz izaafa hone laga....

Baherhaal ye ke " naasbi jaisi mashoor Shi'ee Istelaah ke maqam par " wahabi " ke lafz ke zariye TABARRA ki techniq ki be'misaal maqbooliyat aur khilaaf e tawaqqo aftaraaq bain ul muslimeen ke mansoobe ko kaamyabi se ham'kinaar hote dekh ahmad raza khan sahab barelwi ke hauslon ko bulandi mili aur inteshaar e ummat ke Sabaayi  khwaabon ki ek numayan taabeer saamne aate dekhkar unke takfeeri fatawon me izaafa hota gaya aur wah kaamyabi ke nashe me be'khud hokar lagaataar fatawon ke ambaar lagaane lage, jaise

" wahabi murtad wa munafiq hain aur uper se kalma go hain "

( kokabul shahabiyah pg 1112)

aur ye ke

" unhen musalman samjhne waale ke peeche namaz jayez nahi "

(fatawa rizwiya jild 6 pg 81)

phir farmaya ke

" wahabion se musaafa karna na'jayez aur gunah hai,"

( fatawa rizwiya jild 4 pg 218)

aur apne jaahil muqallidon ko aagaah kiya ke

" wahabion ke salaam ka jawab dena haram hai "

( fatawa africa pg 1170)

Haqiqat ye hai ke " tabarra" Ahle shia ke tarkash ka ek aisa " zahreela teer " hai, jiski parwaaz me ghaiz wa ghazab ki chinghaadh, nafrat wa adaawat ke sholey, bugz wa anaad ki tezi, aur sansanaahat ke elaawah maqooliyat sharaafat wa adal wa insaaf aur insaaniyat ki qadaron ka ek tukda tak nahin milta, uska target aur maqsad apne mukhaalifeen ko ziyaadah se ziyadah zahni aziyat aur taqleef pahunchaana aur unhen ghussa aur jhunjlaahat me mubtela karna hai, aur bas is tarah fareeq mukhalif ke tilmilaane aur apni botiyan nochne ke tasawwur se unhe lazzat aur khushi milti hai,

" ilm e nafsiyaat " ke mutaabik ahle shia ke " tabarra " ka ye tarz e amal dar'haqeeqat Unke aziyat'pasandi yani ( SADISM) Ke zahni marz ki ek soorat hai,

maheereen e nafsiyaat ki tahqeeq ke mutaabik ye khatar'naak zahni kaifiyat dimaghi adam e tawazan aur junoon (MANIA) ki alaamat hai,

kya ye dimagi adam e tawazin aur zahni marz me mubtela hone ki alaamatNahin ke koi insaan tabarra ke junoon ka shikaar hokar us baat ko bhi qatai faraamosh kar de ke uski zabaan wa qalam se nikalne waale alfaaz maaqooliyat aur haq wa insaaf se kitni mutaabeqat rakhte hai,

misaal ke taur par, bani barelwiyat janab ahmaq raza khan sahab ke tabarra aur ghaiz wa ghazab ka ye naadir namoona mulaaheza farmaayen, wah farmate hain,

" kufr me yahud wa nasaara se bad'tar hain, hindu , majoos se bad'tar aur wahabiya hinduon se bad'tar hain "

( fatawa rizwiya jild 6 pg 13)

Zara ghaur farmaiyye ! Ke 33 crore devon  aur devtaon ke maanne waale aur khule aam buton ki pooja karne wale hindu, khan sahab ke nazdeek un tauheed paraston aur kalma go musalmano se lakh darje bahtar hain, jo quraan wa sunnat ke bataaye hue tareeqon par gham'zan  sunnat e rasool ke shaidaayi aur islami riwaayat ke muhafiz aur ameen hain,

goya quraan majeed ke alfaz hain

" unhone (musalmano se ) is baat ka  Inteqaam liya ke wah ( unki khurafaat ke bajaaye ) allah ghalib wa zabardast saza'waar e hamd par imaan rakhte hain "

(surah burooj 8)

TO BE CONTINUED...........

TAANA E NAJDIYAT AUR WAHABIYYAT KA PASH-E-MANZAR (PART 5)

Bismillahirrahmanirraheem



TAANA E NAJDIYAT AUR WAHABIYYAT KA PASH-E-MANZAR (PART 5)


Taareekh ki is haqeeqat se inkaar nahin kiya ja sakta ke (turk) qaum jo kai 100 saal tak aalam e islam par hukumat karti rahi, aur turk hukmaran ba'haisiyat (khalifatul muslimeen ) hejaz par qaabiz aur " khadim ul haramain sharifain " ke magh'ruz laqab se pukaare jaate rahe they,

isi tarah tatari yani  mongol (mughals) donon qaumein jo jadi aitbaar se ek hi nasal se taalluq rakhti hain,

daayerah e islam me daakhil hone se pahle un dono ka shumaar duniya ki intehaayi ujad na'maqool aur wahshi qaum me hota tha,

ye log is qadr wahshi aur ghair mazhab they ke jab kisi ilaaqe par yalghaar karne ghode ki peeth par baith kar jaate toh dauraan e safar bhookh mahsoos hone par chalte chalte hi kamar se khanjar nikaal kar apne ghode ki gardan me ghonp dete aur wahan se nikalne waala garam garam khoon peene ke liye zakhm ke  Maqaam par apna munh laga lete,

isi tarah ye wahshi din wa raat ghode daudaate , mahino ka safar dino me taiy karte, manzil e maqsad par pahunch jaate they, iske elawa wah CHANGEZ KHAN ke ahad se hi unke yahan ye dastoor bhi chala aa raha tha ke wah jis shaher aur maqaam par fatah haasil karte toh maftooh aqwaam ke mard, aurton aur bacchon ke sar (head) tan se juda karke unki khopdiyon ko chunkar alag alag minaar banaate, aur is par fakhr karte they,

saqoot (fall) e baghdad ke baad HALAAKU KHAN ki fauzon ne baghdad ke 14 lakh musalmano ki khopdiyon se jo minaar banaaye they, wah ba'qaul ibn khaldun unki guzashta taareekh ke tamam minaaron par bulandi me sabqat le gaye they,

isi tarah maghruz aur barguzeedh afraad qaum ke marne ke baad unki qabron par aalishaan maqbare aur gumbad banaane ka riwaaj bhi, unhen wahshi tatarion ne hi daala tha,

Tareekh me pahla maqbara changez khan ki qabr par banaaye Jaane ki shahadat milti hai,


Yahi tatari jab musalman hue, apne ilaaqon ya qabail ke aitbaar se  MUGHAL ya TURK ke naam se pukaare jaane lage, tab bhi islam ki paakizah taalimaat ke nateeje me agarchah unki wahshi fitrat me bahut kuch sudhaar aa gaya tha,

lekin bahut si baap dadaon ki rasmein unse phir bhi na chhoot sakin,
isi tarah jaise ham hindustan ke musalman sadiyon se daaman e islam se wabasta hone ke ba'wajood shadi wa ghami ke mauqon par be'shumaar hindu'aana rasmon se aaj bhi chimte hue hain, aur unko tark karne par aamaadah nahi hote,

chunanche khilafat e baghdad ke zawaal ke baad jab khilaafat ki zimmadaariya kulli taur par usmani turkon ke haath aayi, toh unhone apni  qalm ro mein har jagah ba'taur ehteraam sahaba kiram (ra), aimma e deen, awliya allah aur aimma e deen ki qabron par apni qaumi mijaaz aur TATARI rasm wa riwaj ke mutaabik aalishaan gumbad aur khoosurat maqbare taameer Kar daale,
sadiyon tak aalam e islam khususan haramain sharifain un usmani turkon ke zer e nigraani rahe, jiski wajah se wahan par tamam sahaba kiram aur buzurgaan e salaf wa khalaf ki qabrein pukhta aur aalishaan maqbaron me tabdeel hogayin,

dheere dheere jab imte'daar zamana ke saath musalmano me zahni aitbaar se badlaao aaya aur shirk wa bidat ko farogh hua toh sahaba kiram (ra) aur buzuraan e deen ke un maqbaron  par shirk wa bidat ki wahi tamam khuraafaat hone lagin,

jis tarah aaj hindustan me kaliyar, ajmer, dewa, bahraich, barabanki, nizam ud deen awliya dehli ke maqbaron par hote hue ham apni aankhon se dekhte hai,

lekin haramain sharifain ke zer e saaya ye shirk aur allah wahdaaniyat ka MAZAAQ kab tak ???

Chunanche hejaz aur haramain sharifain par saudi hukumat ka daur shuru hua toh ameer saud ne apne sheikh wa murshid MUHAMMAD BIN ABDUL WAHAB NAJDI TAMIMI (RH) ko " mufti e azam " ka ohda Aur unhe " sheikh ul islam " ka mansab ata kiya aur unke mashwaron aur fatawon ki buniyaad par hi saudi mumlakat me deeni kaam anjam diye jaane lage,

sheikh ul islam hz muhammad bin abdul wahab najdi tamimi (rh) jo hambali maslak ke aalim they aur theek isi tarah hambali aqaid par amal paira they, jo mazi me sheikh abdul qadir jilani (rh) ka tareeqa aur tarz e amal raha hai,

muhammad bin abdul wahab najdi tamimi (rh) ka sabse bada jurm haramain sharifain aur sar'zameen najd wa hejaz me jagah jagah bane hue sahaba kiram aur deegar saaliheen ummat ke pukhta maqbare khusatan madeena munawwara me " jannatul baqi'e " ki  qabr e muqaddasa par bani imaarton aur qubbon ke inhedam (destroy) ka amal bataya jaata hai,

aur is par unhe kafir, murtad,  aur na jaane kiya kya kaha jaata hai,

jazbaat ki nazar se hatkar agar insaaf ki nazar se dekha jaaye aur unke is kaam ka thande dil se jaayeza liya jaaye toh Bila'shubah wah bilkul hi be'gunaah dikhaai denge,

aur allah ke rasool nabi e akram sallalaho alaihi wasallam (pbuh) ki is hadith shareef par amal paira honge ke nabi e akram sallalaho alaihi wasallam (pbuh) qabron ko pukhta aur un par imaarat wagerah banaane se mana farmaya hai,

" nabi e akram sallalaho alaihi wasallam (pbuh) ne qabron ko choona'gach (pukhta) karne se, unpar baithne se, aur unpar imaarat tameer karne se mana farmaya hai "

( sahih muslim kitabul janaiz )


aur unhone ek hambali aalim e deen hone ke naate jo kuch bhi kiya, agar sheikh abdul qadir jilani zindah hote toh aise haalat me wah bhi fiqh hambali ki ru se yahi sab kuch karte,

ham yahan is baat ki wazaahat kar den ke fiqh hanafi ki kitabon me likha hai ke qabr banaate waqt uski bulandi ek ba'lisht zameen se ubhri hui rakhi jaani chahiye taake ye log be'dhyaani me aam zameen ki tarah sapaat jagah samjh kar uspar chalne ya uspar Pair rakhne se ghurez karen,

lekin fiqh hambali me ye gunjaish nahi hai, wah log qabron ko zameen ke baraabar kar dene ke qayel hain, aur iski daleel me hadith pesh karte hain,

jo hz ali (ra) se marwi hai aapne abul hayaz asdi (ra) se farmaya tha ke:-" main tumhe us kaam ke liye kyon na bhejun jis par mujhe nabi e akram sallalaho alaihi wasallam (pbuh) ne bheja tha, yani kahan koi tasweer ya but dekho use mita do, aur jo qabr zameen se unchi dekho use baraabar kar do "

(tirmizi jild 1 pg 125)

chunanche sheikh ul islam muhammad bin abdul wahab najdi tamimi (rh) ne apne hambali maslak ke mutabik shah saud ko in tamam maqbaron ko gira dene aur unhen zameen ke baraabar kar dene ka huqm diya gaya,

bas ! Is khabar se duniya ke tamam khaankahon wa quboori musalmano me be'chaini ki laher daudh gayi, khaas taur par hindustan me ek toofaan barpa ho gaya,

sahaba kiram (ra) ki tamam qabr e muqaddasa par jin  Par ba'qaayedah shirkiya rasmein aur chadhaawe chadhaaye jaate they, unse minnat aur muraaden maangne, log door door se aate they,

unko theek isi tarah  tauheed ke tahaffuz (hifazat) aur shirk se hifazat ke liye mismaar kar diya gaya,

jis tarah ameer ul momineen hz umar bin khattab (ra) ne apne daur e khilaafat me hudaibiya ke maqaam par wah darakht jiske neeche " bait e rizwan " hui thi, aur jiska zikr quraan majeed me bhi aaya hai, logon ne wahan jaakar aur us darakht ke neeche nawafil padhne ka riwaaj dekhkar tauheed ki hifaazat aur shirk ke imkaan ke pesh e nazar hz umar (ra) ne us darakht ko jad se ukhadwaa kar phenkwa diya tha,

halaanke us waqt daur e farooqui me wahan kisi qirm ke shirk ka aaghaz nahin hua tha, sirf namazein hi wahan padhi jaane lagin thi,

jabke iske bar'khilaaf daur e saudi se pahle sahaba kiram (ra) ki un qabr muqaddasa par arsah'daraaz se shirk ki mahfilein jami thin aur Chadhaawe aur nazraane wagerah chadhaaye jaate they,

aisi soorat me ek  zimme'dar aalim e deen ke liye un ghair islami aur shirk ke ghadh imaarton ko mismaar aur nest'nabood karna, sheikh ul islam hone ke naate na'ghazeer tha aur wahi hua........


TO BE CONTINUED......

FITNO KI AAMAD'GAAH TAREEKH KE AINE ME : ( PART 5)

Bismillahirrahmanirraheem



FITNO KI AAMAD'GAAH TAREEKH KE AINE ME : ( PART 5)






Sar e zameen IRAQ jo pahaadi dhalaan aur buland pathreeli maidano  ki kasrat ki bina par daur e risaalat nabi e akram sallalaho alaihi wasallam (pbuh) me " najd " ke naam se pahchaani jaati thi, aur wah madeena ke theek mashriq ki jaanib " zaat e arq " ke maqaam meeqaat ke us paar se shuru ho kar iraq me basrah aur koofa tak chali jaati hai, zabaan e risaalat ne us sar'zameen ko fitno ki aamad'gaah aur gumraahion ka markaz bataya hai,

aiyye dekhen tareekh ki roshni me kaun kaun se fitne paida hue hain

1- nawasa e rasool nabi e akram sallalaho alaihi wasallam (pbuh) jigar goshe hz hussain (ra) ki shahadat aur khaadaan risaalat ki tabaahi aur barbadi ka waqeya IRAQ ki hi sar'zameen par " KARBALA" ke maqam par iraaqion Ke haathon pesh aaya,

2- jung e jamal aur jung e siffin, jin ke nateejah me sahaba kiram (ra) ka qeemti khoon baha aur jiski bharpaayi rahti duniya tak na ho sake gi, ye jagahen IRAQ ke ilaaqon me hoti thi,

3- hz muslim bin aqeel (rh) ki mazloomanah shahadat aur hajjaj bin yousuf ka zulm wa sitam ki daastaanein bhi sar'zameen IRAQ me raqam hui thi,

4- mukhtar bin obaidullah sakfi ne dawa e nubuwwat IRAQ hi ki sar'zameen par kiya tha,

5- khwarij ka fitna bhi iraq hi me paida hua tha, jiski sarkobi hz ali (ra) ke haathon iraq ke maqam " harra " me anjaam paayi,

6- fitna rawafiz yani SHIA mazhab ki shuru'at bhi IRAQ khusu'san koofa aur basra se hui thi,

7- jahmiya ka fitna jiska maujid jaheem bin safwaan iraaqi tha, iraq hi se shuru hua tha,

8- MOTZALA ka fitna, jisne khalq qur'aan ka aqeeda  taraash kar ummat e muslima me shor barpa kara hua tha, jiske nateeje me imam ahmad bin hambal (rh) aur Be'shumar fuqaha aur muhaddiseen ko na'qaabil bar'daasht zehni aur jismani aziyatein bar'dasht karni padi, uske baani wa ma'bani IRAQ hi ke bashinde they,

9- bid'ati soofiya ka fitna bhi iraq hi me paida hua tha, jiske nateeje me halool aur ittehaad jaise be'shumar gumraah'kun afkaar wa nazariyaat  islam me raah pa gaye,

10- banu umayya aur banu abbas ki aapsi rishta'kashi jiske nateeje me millat e islamia ka zawal paida hua, aur bil'aakhir TATARION  ke haathon saqoot e baghdad ka manzar pesh aaya, jiske nateeje me BAGHDAD ke andar 3 din me 16 lakh farzanda'ne islam ko un zaalim TATARION ne tama'tegh kar daala, jinke khoon se dariya e dakhla ka paani laal (red) ho gaya tha, taareekh e islam ka ye manzar bhi IRAQ ki sar'zameen se talluq rakhta hai,...

11- abhi haal hi me  iraq ke sadar Saddam hussain ke zariye padosi mulk " kuwait " par raaton raat ek lashkar jaraar ke saath jaarhaana hamlawar uspar IRAQ ke najayez qabze ke baad do marhalon me " khaleeji jung (gulf war ) ke nateeje me, AMERICA aur uske SAATHIYON  ka  IRAQ par na'jayez qabza aur uske faujion ke iraq ki jail (abu gharib ) me Iraqi Qaidion par insaaniyat ke khilaf zulm, ki daastaan ab bhi jaari hain, aur maujooda daur ka har padha likha shakhs pesh'aamdah baat se waaqif hai,

12- IRAQ ki himaqat aur aaqibat na'andeshi ke nateeje me millat e islamiya ko sabse bada nuksaan ye pahuncha ke yahud aur nasaara jinko hz umar (ra) apne daur e risaalat me nabi e akram sallalaho alaihi wasallam (pbuh) ki wasiyat wa hidayat ke mutaabik " jazeeratul arab " se baaher nikaal diya tha, 1400 saal baad unke napaak qadam ek baar phir arab ki sar'zameen par pahunch gaye aur unhone apne sahyooni hathkandon (zionist conspiracy ) se na sirf IRAQ aur SAUDI ARAB aur KUWAIT balke khaleej ke saare mumalik ko apna ghulam bana liya hai, aur unke tail (oil ) ke Kuwwon ki saari paidaawar ab dushman ke haathon me aur unke raham o karam par hai,


IRAQ ke bil'muqaabil ham " najd e yemen " yani saudi arabia ke maujooda sooba " najd " se uthne waale fitnon ki talaash aur unka jayeza lete hain toh taareekh ke safon par hamen " musailma kazzab " ke chhoti nubuwwat ka fitna ya nabi e akram sallalaho alaihi wasallam (pbuh) ki wafaat ke fauran baad arab ke besh'tar qabail ke inkaar e zakaat ki  laher me qabail najd ke besh'tar ta'dad shamil ho jaane ke elaawah aur koi source nazar nahin aati hai,

baher'haal ye dono fitne yani musailma kazzab ke fitna ka khatma aur najd ke qabail samet tamam baghi qabail ka khatma wa tadeeb daur e siddeeqi me hi hogaya tha,

uske baad se ARAB me koi hungama barpa nahin hua,


jahan tak SHEIKH UL ISLAM MUHAMMAD BIN ABDUL WAHAB (RH) NAJDI TAMIMI ki zaat giraami ki baat hai toh aap bila'shubah ek azeem mujahid e qaum aur sacche muwahhid aur Sunnat rasool ke shaidaayi they,

maslakan hambali mazhab ke pairokaar  they aur imam ibn taimiyya (rh) se be'had mutaassir they, shirk wa bidat ke khilaaf aapka jihaad najd wa hejaz ke ilaaqa ke liye baraan e rahmat saabit hua,

turkon ke taweel daur hukumat ke nateeje me sar'zameen "hejaz wa najd e yemen " me.... Duniya ke deegar muslim mulkon ki tarah QABR'PARASTI aur AWLIYA'PARASTI rasam wagerah islami aqaid  me shamil karke jis tarah Islaam ko daaghdaar aur awaam un naas ko shirk wa bidat ka shaidaayi bana rakha tha,


SHEIKH UL ISLAM MUHAMMAD BIN ABDUL WAHHAB NAJDI TAMIMI (RH) ki mujahidaanah koshison se unke aqeedon ko hejaz sar'zameen se pak kiya, aur quroon e oola ki tarah ek baar phir ye muqaddas Sar'zameen TAWHEED ka markaz aur QURAN wa sunnat ki taalimaat par amal kaam namoona ban gayi......



ALLAH TAALA HAM SABKO HAQ BAAT KAHNE AUR SUNNE KI TAUFEEQ DE........AMEEN

NAJD AUR NAJDIYAT KA JAAYEZA : (PART - 4)

Bismillahirrahmanirraheem



NAJD AUR NAJDIYAT KA JAAYEZA : (PART - 4)



Yahan ham ye baat waazeh karte chalen ke daur e risaalat me waadi " najd e yemen " ka sabse ba'asar, aur zorawar qabeela " BANU TAMIM " tha jo apni inferaadi quwwat arab qabail me asar aur shaja'at wa shakhawat me mashoor tha,


sahih bukhari ki ek riwayat ke mutabik nabi e akram sallalaho alaihi wasallam (pbuh) ne qabeela banu tamim ke baare me irshad farmaya tha ke

" ye log hz ismael (as) ki awlaad me se hain "

hadith e nabwi is tarah hai,


hz abu hurairah (ra) farmate hain ke main banu tameem se ta'zindagi muhabbat karta rahunga, kyonki maine allah ke rasool nabi e akram sallalaho alaihi wasallam (pbuh) se uske baare me 3 baatein suni hain,

1- aap ne farmaya ke banu tameem ke log meri ummat ke andar dajjaal ke baare me sabse ziyadah shakht saabit honge,

2- ek baar unke sadaqaat unki khidmat me laaye gaye toh aapne farmaya ke Ye meri qaum ke sadqaat hai,

3- banu tameem ki ek bandi hz aisha (ra) ke paas thi, aap nabi e akram sallalaho alaihi wasallam (pbuh) ne unko huqm diya ke is bandi ko azaad kar do kyonki ye hz ismael (as) ki aulaad mese hai "

(sahih bukhari jild 1 pg 626)


waazeh rahe ke janab nabi e akram sallalaho alaihi wasallam (pbuh) khud bhi aulaad hz ismael (as) se hain isliye nabi e akram sallalaho alaihi wasallam (pbuh) ne banu tamim ke sadqaat ko apni qaum ke sadqaat farmaya tha,

muhaddis hind sheikh ali muttaqi (rh) ne tauseeq rijaal ke saath hz abu hurairah (ra) ki ye riwayat apne murattab kardah " majmua hadith ( kanzul ummal )" me zikr kiya hai,


ek martaba arab qabail ka tazkirah darbaar nabi e akram sallalaho alaihi wasallam (pbuh) me hua toh logon ne daryaaft kiya:-" ya rasoollullah ! Aap banu tamim ke baare me kya kahte hain ??

Toh aapne farmaya:-" allah taala banu tamim ke liye siwaaye bhalaai ke Har cheez ko pasand karta hai, banu tamim ke logon ko deen par saabit qadam rahne waale, bade saro waale daanish'mand aur bahadur hote hain, jo unse dushmani karega, unka kuch nahin bigaad sakega, ye log aakhiri zamaana me dajjaal ke muqaable me sabse zyada shakht saabit honge "

( kanzul ummal jild 6 pg 199)


Ghaur karne ki baat ye hai ke jis qaum ki taareef wa tauseef allah taala aur nabi e akram sallalaho alaihi wasallam (pbuh) ne khud farmayen, jinke aqal wa daanaai, bahaduri aur saabit qadmi ki  taareef karte hue allah ke rasool nabi e akram sallalaho alaihi wasallam (pbuh) unhen hz ismael (as) ki aulaad hone ka certificate inaayat farmaaye aur isi bina par banu tamim ko apni qaum qaraar den, aur unke baare me aap nabi e akram sallalaho alaihi wasallam (pbuh) ka ye irshad farmana ke:-" allah taala banu tamim ke liye bhalaai ke elawa har cheez ko pasand farmata hai "

aur unhi fazail ki wajah se hz Abu hurairah (ra) aur tamam sahaba kiram us qaum ko mahboob rakhen,

usi qaum ke ek fard aur aalim e deen SHEIKH UL ISLAM MUHAMMAD BIN ABDUL WAHAB NAJDI TAMIMI (RH) ko chand be'buniyad aur jhooti afwaahon ke nateeje me.......... Jo shaatir angrezon ne aur unke ahl karo (barelwis) ne muddat daraaz se barre sagheer hind wa paak  ke musalmano ne phaila rakhi hai,.......


Hind wa paak ka ek makhsoos bidati tabqa unhen KAFIR aur MURTAD kahta hai, aur unke jaanasheen imam haram aur  masjid nabawi ke imamon ko khaarij e islam samjhta hai, aur unse intehaai nafrat aur bughz wa adaawat rakhna "FARZ " qaraar deta hai,

tamasha'bazi wa tafarraqah toh ye hai us khaas tabqa aur us zehniyat ke log jab hajj ke liye jaate hain toh ye log makka mukarrama aur madeena munawwara me dauraan e qayam jab haramain me azaan ki aawaaz buland hoti dekhte hain toh intehaai ujlat ke saath us firqe ke log haram se nikal kar apni Iqaamat gaahon ki taraf bhaagna shuru kar dete hain, ya phir hujjaj kiram ki bheed me  bhaagne ka mauqa nahi milta hai toh haramain sharifain me bane bait ul khala me ghus kar dauraan e namaz khud ko chhupaye rakhte hain,

halaanke unke elawah saari duniya ke croron musalman....... Mukhtalif fiqhi mazahab ke aur aqaid wa amaal ki aqeedon ke ba'wajood....... Haramain sharifain ke qaabil e ehteraam imamon ke peeche bila'karaahat namazen padhte hain, balke unki iqteda me namaz ada karna apne liye ba'as e sa'aadat samjhte hain,

haramain sharifain ke imamon ko KAFIR wa MURTAD kahne waale naadaan aur khud'fareb log apne us baatil aqeede re mukhalifat sahaba kiram (ra) aur takzeeb farmaan nabi e akram sallalaho alaihi wasallam (pbuh) ke martakab hokar kiya apna imaan nahin gawa rahe hain ???


Najd aur ahle najd par laan taan karne aur haramain sharifain ke imamon aur wahan ke ba'shindon se nafrat wa adaawat Ka sabak jaahil aur naadaan musalmano ko padhaane waale fitna'pardaar ki ibrat ke liye, sahih bukhari ke ye hadith e nabwi bhi pesh ki ja sakti hai,

jisme najd ke dehati ko nabi e akram sallalaho alaihi wasallam (pbuh) ne jannati hone ka certificate is duniya me hi inaayat farma diya tha, hadith is tarah hai


darbaar e nabi e akram sallalaho alaihi wasallam (pbuh) me ek martaba ahle NAJD mese ek shakhs haazir hua aur aapse islam ke baare me sawalaat karne laga, aapne sahaba kiram (ra) se irshad farmaya:-" jo shakhs kisi jannati ko dekhna ka khwahish'mand ho wah is aadmi ko dekh le "


(rawah bukhari)


TO BE CONTINUED.......... In FITNO KI AAMAD'GAAH TAAREEKH KE AINE ME